အ​ကောင်းဆုံးအ​မွေ​ပေးပါ

အကောင်းဆုံး အမွေပေးပါ
***********************************************
စာရိတ္တသတ္တိဆိုတာ မိဘဘိုိးဘွားတွေ အသိက ဆင်းသက်ခဲ့တာမို့
သားသမီးကောင်း ဖြစ်ခဲ့မှ မိဘကောင်းတစ်ယောက်ဖြစ်နိုင်သလို
နောက်လိုက်ကောင်းတစ်ယောက်ဖြစ်ခဲ့မှ ခေါင်းဆောင်းကောင်းတစ်ယောက်
ဖြစ်နိုင်ပါတယ်။

ယဉ်ကျေးမှုအမွေကို အစဉ်တွေးရှုရှာဖွေပြီး လက်ဆင့်ကမ်းရမှာ
မိဘတိုင်းရဲ့ တာဝန်ပါ။

ပုဗ္ဗာစရိယ မိနှင့်ဘမို့ အသင်အပြ မရှိရင် ပတ်ဝန်းကျင်မြူဆွယ်မှုအောက်မှာ
မျိုးရိုးဗီဇတွေ တိမ်မြုတ်ပျောက်ကွယ်သွားပါလိမ့်မယ်။

လူငယ်ဆိုတာ အတုမြင်၊ အတတ်သင်တတ်သူလေးတွေမုိ့ ချစ်ဇောနဲ့
အပြစ်မပြောပဲ နေခဲ့ရင် မိဘကို ထီ မထင်၊ အဆိုးညဉ်တွေ မသင်ဘဲ တတ်
အကျင့်ဓာတ် ပျက် စာရိတ္တ ယိုယွင်းချက်တွေနဲ့ သားသမီးတစ်စု
အားနဲ့ ထီးမဖြစ်ပဲ ကျားနဲ့ မီးများဖြစ်လာခဲ့သော် အနာဂတ်အရေး
မတွေးတတ်အောင် ရင်လေးစရာတွေချည်းပါပဲ။

သားသမီးငယ်တို့ရဲ့ ဘ၀ပုံရိပ်လွှာ မိဘတွေ ထိန်းကျောင်းမှုအောက်မှာ
အတိမ်းအစောင်း ပြုမရတာမို့ ယခုကောင်းမှ နောင်ကောင်း
သားသမီးမကောင်း မိဘခေါင်းလို့ ဆိုပါတယ်။

အရိုင်းနဲ့ အလိမ္မာ အကြိမ်ကြိမ်အခါခါ ယှဉ်ကြည့် အောင်မြင်မှုအတွက်
ကွာဟမှု သော့ချက်တွေ ရှိနေတတ်တာမို့ လုပ်သလိုဖြစ်တဲ့အခြေအနေမှာ
သားသမီးငယ်တွေကို ဘယ်ပုံသွင် ထုဆစ်ပုံဖော်ပေးရမလဲဆိုတာ
မိဘ ဘိုးဘွားတွေရင်ထဲ အစဉ်ဝေခွဲရမယ့် ပုစ္ဆာတစ်ပုဒ်ပါ။

သားသမီး အချစ်၊ မြေးအနှစ်ဆိုတဲ့အတိုင်း မဖြစ်မနေ အချစ်တွေနဲ့အမွေပေးရမယ်ဆိုရင်ဖြင့်
အစဉ်အေးမှုတွေ ရမယ့် ယဉ်ကျေးမှုအမွေကသာ ထာဝရအကောင်းဆုံးပါ။

ဒါကြောင့်... ရင်နှစ်သည်းချာ သားသမီးအလိမ္မာလေးတွေဖြစ်ဖို့ အလိမ္မာ စာမှာရှိ
ယဉ်ကျေးမှုအသိတွေအတွက် ဘ၀ယဉ်ကျေးမှု အစ၊ ဘုန်းကြီးကျောင်းကမို့
နွေရာသီ ယဉ်ကျေးမှုသင်တန်း တက်ရခဲအခွင့်အလမ်းလို့ ဆိုပါရစေ..

မိဘများ မိမိသားသမီ်းများကို ယဉ်ကျေးမှုကျောင်းများသို့ များများပို့ပေးပါရန်နှင့်
ဘာသာရေးအဆုံးမများ နိုင်ငံချစ်စိတ်များ စာရိတ္တသတ္တိအမွေအဖြစ်
အကောင်းဆုံးအမွေများ ပေးထားဘို့ရန် အထူးပင် နှိုးဆော်တိုက်တွန်းအပ်ပါသည်။

ယနေ့အချိန်သည် အမိမြန်မာပြည်အတွက် ဘာသာ သာသနာချစ်စိတ်နှင့် မျိုးချစ်စိတ်များ
ရှင်သန် နုိုးထရန် အထူးပင် လိုအပ်နေပြီဖြစ်ပါသည်။

သားသမီးများကို ခေတ်ပညာ ကျူရှင်များသာ စိတ်ပါဝင်စားယုံတင်မကပဲ ဓမ္မစကူလ်း၊summer စကူလ်းများသို့လည်းဘာသာ၊ သာသနာချစ်စိတ်နှင့် မျိုးချစ်စိတ်အမွေများ များများပေးရန် စိတ်ဝင်စားဖို့ အထူး လိုအပ်နေပြီဖြစ်ကြောင်းသတိပေး နှိုးဆော်ပေးအပ်ပါသည်။

အရှင်​န​န္ဒောဘာသ (ဓမ္မ​ရောင်​စဉ်​)

Posted in: သတင်းများ