5:47 AM
အရှင်နန္ဒောဘာသ (ဓမ္မရောင်စဉ်)
သံစဉ် – နေထွဏ်းဦး
စာသား – တက္ကသိုလ်ကိုသု
တေးဆို – ရွှန်းလဲ့အောင်
သရုပ်ဆောင် – ဓမ္မစကူးလ်ကျောင်းသားကျောင်းသူများ
Monday, March 21, 2016
ဓမ္မစကူးလ်ထောင်သောင်းများစွာ
သံစဉ် – နေထွဏ်းဦး
စာသား – တက္ကသိုလ်ကိုသု
တေးဆို – ရွှန်းလဲ့အောင်
သရုပ်ဆောင် – ဓမ္မစကူးလ်ကျောင်းသားကျောင်းသူများ
ဖိတ်ဖေါ်ပါသည်ဓမ္မစကူးလ်
ဖိတ်ဖေါ်ပါသည်ဓမ္မစကူးလ်
တေးရေး – ခင်မောင်ပါ (မဇ္ဈိမလှိုင်း)
သံစဉ် – ခင်မောင်ပါ (မဇ္ဈိမလှိုင်း)
တေးဆို – ရွှန်းလဲ့အောင် (အမျိုးသားယဉ်ကျေးမှုနှင့် အနုပညာတက္ကသိုလ် – ရန်ကုန်)
သရုပ်ဆောင် – ဆရာဦးစိန်မြင့်အောင်နှင့် ဆရာ/ ဆရာမများ ဦးဆောင်သော လွတ်လပ်ရေးကျောင်းမှ ဓမ္မစကူးလ်ကျောင်းသား/ ကျောင်းသူများ
သံစဉ် – ခင်မောင်ပါ (မဇ္ဈိမလှိုင်း)
တေးဆို – ရွှန်းလဲ့အောင် (အမျိုးသားယဉ်ကျေးမှုနှင့် အနုပညာတက္ကသိုလ် – ရန်ကုန်)
သရုပ်ဆောင် – ဆရာဦးစိန်မြင့်အောင်နှင့် ဆရာ/ ဆရာမများ ဦးဆောင်သော လွတ်လပ်ရေးကျောင်းမှ ဓမ္မစကူးလ်ကျောင်းသား/ ကျောင်းသူများ
" ဒုလ္လဘနှင့် အာပတ်"
ယခုအချိန်က ဆောင်းအကုန် နွေအကူးမို့ သင်္ကြန်အချိန်ကလည်းနီးကပ်လာပါပြီ၊ သင်္ကြန်တွင်းသင်္ကန်းစီးမည့် ဒုလ္လဘပဉ္ဇင်းလောင်းများအတွက် ဒီစာတွေဖတ်မိရင် တစ်စုံတစ်ခုသောအတိုင်းအတာလောက်အထိတော့ အကျိုးရှိမည်ထင်ပါသည်။
(မသိ မတတ်
မဖြစ်ရလေအောင် ဖတ်ပါ မှတ်ပါ လေ့လာပါ ဗဟုသုတအသိဉာဏ်တိုးချင်လျှင်
မပျင်းပါနှင့် ဖတ်ပါ၊ ဖတ်ပြီးရင်လဲ
သူများတွေလဲ ကိုယ်သိသလို သိရလေအောင် Share လိုက်ပါ)
တန်ခူးလ၏
ပူပြင်းမှုအောက်တွင် ဒုလ္လဘကိုယ်တော်များ အခန်းတွင်၌ အောင်းမနေနိုင်ကြတော့။ ကျောဗလာနှင့်
ကိုယ်ရုံသင်္ကန်းမကပ်နိုင်သူ၊ အံသကိုဋ်နှင့် နေသူများဖြင့် အရိပ်ရအပင်များအောက်တွင် ဟိုတစ်စု ဒီတစ်စု တွေ့နေရသည်။
နွေရာသီကာလ
၊ သင်္ကြန်ကာလကို ရဟန်းဝတ်ဖြင့် ကုန်လွန်စေရန် ရည်ရွယ်ချက်အမျိုးမျိုးဖြင့် ရောက်ရှိနေကြခြင်းဖြစ်သည်။ အချို့က ယတြာချေရန်၊ အချို့က သင်္ကြန်တွင်း အပြင်ထွက်လည်လျှင် ငွေကုန်၍ အန္တရာယ်လည်းများသဖြင့် သင်္ကြန်ခိုရန်၊ အချို့ကတရားစခန်းဝင်ရန် အမျိုးမျိုးရှိသည်။
ဝင်လာလိုက်သည်မှာ
တဖွဲဖွဲ။ ခေတ်မီသော ယောက်ျားလေးတိုင်း ဒုလ္လဘဝတ်ကြသည်ဟု ဆိုရမ လောက်ပင် ဖြစ်သည်။ ရခိုင်စည်တော်သံကြီးနှင့်
အဆိုတော်ဦးမောင်သိမ်း၏ " သာသနာ့အမွေခံ " ရခိုင်သီချင်းသံဖြင့် ရှင်လောင်းလှည့်နေသည်မှာလည်း
မကုန်နိုင်သေး။ တစ်ရက်တည်းပင် ၃၆ ပါး သိမ်ဝင်သည်။ ဗုဒ္ဓဘာ သာရခိုင်လူမျိုးတို့၏ အလှူအတန်းရက်ရောမှု၊
သာသနာမြတ်နိုးမှုဟု ပြောရ မည်ထင်သည်။
" ဦးဇင်း
- ရဟန်းတွေများလှချည်လားဘုရား၊ ဒုလ္လဘတွေထင်တယ် "
" ဟုတ်တယ်ကွ
- မင်းကော ဒီနှစ်မဝင်ဘူးလား "
" ဝင်မယ်ဘုရား
- ဒါပေမယ့် တပည့်တော်ကို ဆရာတော်ကြီးတစ်ပါး ဆုံးမဖူးတယ်။ ရဟန်းမဝတ်ခင် ရဟန်းတွေသိသင့်
သိထိုက်တဲ့ ဝိနည်းတွေ လေ့လာရမယ်။ ဒါမှ အကျိုးများမယ်တဲ့။ ခါတိုင်းနှစ်တွေတော့ ဘုမသိ
ဘမသိ ဝင်လိုက်တာပဲဘုရား၊ ဒီနှစ်တော့ လေ့လာပြီးမှ ဝင်မယ်လို့ ဆုံးဖြတ်ထားတယ်။ ဦးဇင်းဆီမှာက
စာအုပ် တွေပေါတော့ တပည့်တော်သိသင့်တာလေးတွေ ပေးဖတ်ပါဘုရား။ ပြီးတော့ မေးချင်တာလေးတွေလည်းရှိလာတယ်ဘုရား "
" စာအုပ်ပေးဖတ်တာကတော့
ရပါတယ်။ သာသနာရေးဝန်ကြီးဌာနကထုတ်တဲ့ ရဟန်းကျင့်ဖွယ် ၂၂၇ - သွယ်ဆိုတာ ယူဖတ်ပေါ့။ မေးခွန်းကတော့
မင်းမေးကြည့်လေ။ ငါသိတာနဲ့ တည့်တည့်တိုးရင်တော့ ဖြေရတာပေါ့။
" တင်ပါ့ဘုရား၊
ဒီလိုပါ တပည့်တော်တို့ သိမ်ဝင်ပြီးရဟန်းခံတဲ့အခါ သိမ်ကအထွက်မှာ ဒကာ၊ ဒကာမတွေက ဝတ္ထုပစ္စည်းတွေ
လောင်းလှုကြတယ်မဟုတ်လား။ အဲဒီလို ထွက်တဲ့အခါမှာ ဆရာတော်ကြီးက အရင်မထွက်ဘဲ တပည့်တော်တို့ကို
ဘာဖြစ်လို့အရင်ထွက်ခိုင်းတာလဲဘုရား။ ပြီးတော့ ဒကာ၊ ဒကာမတွေကလည်း ပြီးမှလှုရင်လည်း ရရဲ့သားနဲ့
သိမ်အထွက်ကိုမှ ဘာဖြစ်လို့ လာလှူရတာလဲဘုရား"
" အေး၊
ဘုရားရှင်လက်ထက်က သိမ်ထွက်လောင်းလှူတာတို့၊ ရဟန်းအသစ်ကို သိမ်အရင်ကထွက် ခိုင်းတာတို့
ရှိ - မရှိတော့ ငါလည်းသေချာမသိဘူး။ ငါကြားဖူးသလောက်တော့ ရဟန်းအသစ်တွေကို သိမ်ကအ ရင်ထွက်ခိုင်းတာက
ဒီအချိန်မှာ သူကအာပတ်အားလုံးမှစင်ကြယ်သူ ဖြစ်နေလို့ပဲ။ ရဟန်းခံပေးတဲ့အခါ ဥပဇ္ဈာယ်ဆရာရယ်၊
အနုသာသနဆရာရယ်၊ ကမ္မဝါဖတ်မယ့်ပုဂ္ဂိုလ်ရယ်၊ အခြံရံသံဃာတွေမှာက အာပတ်တွေ ရှိနေနိုင်တယ်။
ဒါကြောင့် ရဟန်းအသစ်ကို ဦးစားပေးလိုက်တာပဲ။ ဒကာ၊ ဒကာမတွေကလဲ သီလသန့်ရှင်းနေတဲ့ ပြုသစ်စရဟန်းကို
ဦးဦးဖျားဖျား လောင်းလှူချင်ကြတယ်။ ဒါကြောင့် သိမ်အထွက်စောင့်လှူတာ။
" ဒါက
ငါ့ကို ဆရာတော်ကြီးတစ်ပါးက ပြောပြတာ။ မင်းမေးသလိုပဲ။ အချို့က ဘာကြောင့်လောင်းလှူ လဲဆိုတာကို
မသိကြဘူး။
" ဒီအယူအဆတိုင်း
မှန်တယ်ဆိုရင် စဉ်းစားစရာတွေ ရှိတယ်။ မင်းခဏခဏ ရဟန်းဝတ်နေတော့ သိ သင့်တယ်ထင်လို့ ငါပြောပြမယ်။
ရဟန်းတွေရဲ့ အာပတ်ကိစ္စပဲ။
" ရဟန်းတွေမှာ
သိသင့်တဲ့ အာပတ်တွေရှိတယ်။ အာပတ်ဆိုတာက ' မြတ်စွာဘုရားရှင်ရဲ့ အမိန့်အာ ဏာတော်ကို ကျူးလွန်ဖောက်ဖျက်ခြင်းကြောင့်
အပြစ်သင့်ရောက်ခြင်း ' ကိုပြောတာ။ ' အာပတ်သင့်တယ် 'ပေါ့။
" အာပတ်
၇- ပုံရှိတယ်။
(၁) ပါရာဇိကအာပတ် - ရဟန်းဘဝမှ ဆုံးရှုံးသောအပြစ်၊
(၂) သံဃာဒိသိသ်အာပတ်
- ရဟန်းအပါး (၂၀) အထိ သံဃာက ဝိုင်းဝန်းစောင့်ရှောက်ပေးမှ ကုစား၍ရသောအပြစ် ၊
(၃) ထုလ္လစဉ်းအာပတ် - သံဃာ့ဒိသိသ်အောက် ကြီးသောအပြစ်၊
(၄) ပါစိတ်အာပတ် - ကုသိုလ်စိတ်မှ လျော့ကျစေသော
အပြစ်၊
(၅) ပါဋိဒေသနီအာပတ် - သီးခြားထုတ်ဖော်ပြောရသောအာပတ်၊
(၆) ဒုက္ကဋ်အာပတ် - မကောင်းသော
လုပ်ဆောင်ချက်အဖြစ် လူအများကဲ့ရဲ့ဖွယ်အပြစ်၊
(၇) ဒုဗ္ဘာသီအာပတ် - မကောင်းသော ပြောဆိုချက်အဖြစ်
လူအများ ကဲ့ရဲ့ဖွယ်အပြစ်တို့ပဲ။
" အဲဒီခုနှစ်ပုံမှာ
ပါရာဇိကနဲ့ သံဃာဒိသိသ်ကို ' ဂရုကအာပတ် ' ကြီးလေးသောအပြစ်လို့ သတ်မှတ်တယ် ။
ပါရာဇိက
(၄) ပါးရှိတယ်။ အကြမ်းအားဖြင့်ပြောမယ်။
(၁) မေထုန်မှီဝဲမှု၊
(၂) သူတစ်ပါးပစ္စည်းခိုးမှု၊
(၃) လူသတ်မှု၊
(၄) ဈာန်မဂ်ဖိုလ်မရဘဲ ရတယ်လို့ပြောကြားမှုပဲ။
ဒီအာပတ်တစ်ခုခုကျူးလွန်မိရင်
ရဟန်းမဟုတ် တော့ဘူး။
သိမ်ထဲမှာတင်ထားတဲ့သိက္ခာ အလိုလိုလျောကျသွားပြီး နောင်လည်း ဘယ်တော့မှရဟန်းပြန်ခံလို့
မရတော့ဘူး။
" သံဃာဒိသိသ်အာပတ်က
(၁၃) ပါးရှိတယ်။
( ၁) လုံ့လပြု၍သုတ်လွှတ်မှု၊
( ၂) မာတုကာမကို ကိုင်တွယ်သုံးသပ်မှု၊
( ၃)
ညစ်ညမ်းစကားပြောဆိုမှု၊
( ၄) မေထုန်မလှူခံမှု၊
( ၅) အောင်သွယ်မှု၊
( ၆) အင်္ဂတေအ ချောကိုင်လမ်းလျှောက်မှု၊
( ၇) ကျောင်းဆောက်လို၍ သစ်ပင်ခုတ်မှု၊
( ၈) သူတစ်ပါးကို ပါရာဇိကဖြင့် အကြောင်း မဲ့ စွပ်စွဲပြောဆိုမှု၊
( ၉) အမည်၊ အမျိုးအနွယ်တစ်ခုခုဖြင့် အကြောင်းပြ၍ ပါရာဇိကဖြင့် မဟုတ်မမှန် စွပ်စွဲမှု၊
(၁၀) သံဃာသင်းခွဲမှု၊
(၁၁) သံဃာသင်းခွဲမှုကို အားပေးနောက်လိုက်ပြုမှု၊
(၁၂) အတူနေရဟန်း၏
ဆိုဆုံးမမှုကို မနာ ခံမှု၊
(၁၃) ဒကာ၊ ဒကာမတို့၏ သဒ္ဓါတရားကို ဖျက်ဆီးမှုတို့ ဖြစ်တယ်။
" တစ်ခုချင်းသဘောက်ို
အသေချာသိချင်ရင်တော့ ၂၂၇ သွယ် ဝိနည်းစာအုပ်ဖတ်။
" ဦးဇင်း
အဓိကပြောလိုတာက သံဃာဒိသိသ်အာပတ်ပဲ။ လုံ့လပြုပြီး သုတ်လွှတ်တာ၊ မာတုကာမကို ကိုင်တွယ်သုံးသပ်တာ၊
မာတုကာမကို ညစ်ညမ်းစကားပြောတာတွေဟာ သတိမရှိရင် ဖြစ်လွယ်တယ်ကွ "
" ဟုတ်တယ်ဘုရား၊
တချို့ကိုယ်တော်လေးတွေ မိန်းကလေးတစ်ယောက် ရှေ့ကလာရင် ခေတ်စကား လုံးတွေနဲ့ လိုက်စကြတယ်။
ဘာကောင်းတယ်၊ ညာကောင်းတယ် စသည်ဖြင့်ပေါ့ဘုရား "
" အေး..အဲဒီလိုလိုက်စလို့
ဟုမိန်းကလေးက နားလည်လိုက်ရင် သံဃာဒိသိသ်အာပတ်သင့်ပြီပဲ။ ဒီအာ ပတ်က ရိုးရိုးဒေသနာကြားလို့မရတော့ဘူး။
မင်းရဟန်းဝတ်တုန်းက ဘုရားဝတ်တက်ရင် ဆရာတော်က ဒေသ နာကြားခိုင်းတယ် မဟုတ်လား။ ' အဟံဘန္တေ
သဗ္ဗအာပတ္တိယော ' ဆိုပြီးတော့လေ "
" တင်ပါ
မှတ်မိပါတယ်ဘုရား "
" အေး
- အဲဒီလိုကြားတာက ကျန်တဲ့အာပတ်တွေပဲ ကျေတာ။ သံဃာ့ဒိသိသ်အာပတ်ကမကျေဘူး။ သံဃာဒိသိသ်အာပတ်တစ်ခုခု
သင့်နေမိပြီဆိုရင် အဲဒီနေ့မှာ ဒေသနာကြားထားရတယ်။ ဒေသနာကြားတယ်ဆို တာ မိမိအပြစ်ကိုဝန်ခံတာ။
ဒေသနာမကြားဘဲ သိသိနဲ့ ဖုံးကွယ်ထားမယ်ဆိုရင်၊ ဖုံးကွယ်ခဲ့တဲ့ရက်အတိုင်း ပရိ ဝါသ်စောင့်တည်ရတယ်။
ပြီးရင် မာနတ်ခြောက်ရက်ကျင့်ရတယ်။ ပြီးမှ အမ္ဘာန်သွင်းတယ်။ ဒါမှကျေတာ။
ပရိဝါသ်စောင့်တယ်ဆိုတာ
မိမိသင့်တဲ့အပြစ်ကို ထက်ဝန်းကျင်စင်ကြယ်အောင် သံဃာတော်တွေထံမှာ ဖွင့်ဟဝန်ခံတာပဲ။ ဒါက
ရိုးရိုးနဲ့တော့မရဘူး။ သိမ်ထဲမှာ အနဲဆုံးရဟန်းလေးပါး ကမ္မဝါစာနဲ့ စနစ်တကျလုပ် ရတယ်။
နှစ်ရက်ဖုံးလွှမ်းထားရင် နှစ်ရက် စသည်ဖြင့် ကျင့်ရတယ်။ ဝရိဝါသ်စောက်တည်တဲ့ရက် စေ့တဲ့အခါကျ
မှ သိမ်ထဲမှာ ကမ္မဝါစာနဲ့ မာနတ်ယူရပြန်တယ်။ မာနတ်ဆိုတာက ကိုယ့်ရဲ့သီလအပေါ်မှာ အခြားရဟန်းတော်
တွေက မြတ်နိုးမှုရှိစေရန် ကျင့်သုံးခြင်းကိုခေါ်တာ။ မာနတ်ခြောက်ရက်ပြီးမှ သံဃာအပါး (၂၀)
နဲ့ သိမ်ထဲမှာ ကမ္မဝါစာဖတ်ပြီး သမ္ဘာန်သွင်းရတယ်။ အဗ္ဘာန်သွင်းတယ်ဆိုတာက ရဟန်းအာပတ်စင်ကြယ်မှုကို
အသိအမှတ် ပြုတဲ့အနေနဲ့ သံဃာ့အလယ်သို့ ရှေးရှုပြန်ခေါ်ခြင်းဖြစ်တယ်။ အဲဒီလို စနစ်တကျခုစားမှ
ဒီအာပတ်က ကျေတာ "
" အား..တော်တော်လေးနက်တာပဲနော်
ဘုရား "
" ဒါမင်းကို
အကျဉ်းရှင်းပြတာ။ ဒီအာပတ်တွေရှိနေရင် မဂ်ဖိုလ်မရတော့ဘူးတဲ့။ ဒါတွေ ရှင်းပြရတာနဲ့ ငါတို့စကားဦးတည်ချက်တောင်
ပျောက်သွားအုံးမယ် "
" ဒုလ္လဘတစ်ပါးဆိုပါတော့ကွာ၊
သူဒီအာပတ်တစ်ခုခု ကျူးလွန်ခဲ့ပြီး အာပတ်ကိုမကုစားဘဲ လူထွက် သွားတယ်ဆိုပါတော့။ နောက်တစ်ခါ
ရဟန်းပြန်ဝတ်ရင် ဒီအာပတ်က ပြန်ပေါ်တယ်ကွ။ ဒီလိုဆိုရင် မင်းအစက မေးခဲ့သလို သိမ်ကထွက်တဲ့အခါ
သီလဖြူစင်သူလို့ အသိမှတ်ပြုလို့ ရပါ့မလား "
" အင်း
- ဦးဇင်းပြောမှ တပည့်တော်စဉ်းစားမိတော့တယ်။ ဟုတ်တာပေါ့။ သီလဖြူမဖြူဆိုတာ အဲဒီ ပုဂ္ဂိုလ်ပဲ
သိမှာပေါ့။ ဒုလ္လဘတွေ သတိထားစရာပဲ "
" ဒါဆို
တပည့်တော်ထပ်မေးမယ်ဘုရား၊ ရဟန်းတွေကို သိက္ခာထပ်တဲ့အခါမှာလည်း အဲဒီသိက္ခာအထပ် ခံရဟန်းကို
ရှေ့ဆုံးကထွက်ခိုင်းတာပဲမဟုတ်လား။ အကယ်၍ သူ့မှာ သံဃာဒိသိသ်အာပတ်ရှိနေတယ်ဆိုရင် ဒီအာပတ်ကကျေပြီး
ဖြူစင်သူဖြစ်သွားရောလား။ ဒါကြောင့် သူ့ကိုအရင်ထွက်ခိုင်းတာလား "
" ဒီလိုရှိတယ်ကွ၊
သိက္ခာထပ်ရခြင်းရဲ့ ရည်ရွယ်ချက်က ညစ်နွမ်းနေတဲ့သီိလကို ဖြူစင်အောင်လုပ်တာ မဟုတ်ဘူး။
ရဟန်းခံတဲ့အခါ ပြည့်စုံရမယ့် အင်္ဂါငါးချက် ရှိတယ်။
(၁) ဝတ္ထု ဆိုတဲ့ ရဟန်းလောင်း၊
(၂)
ဉာတ် ဆိုတဲ့ သတိပေးချက်၊
(၃) အနုသာသန ဆိုတဲ့ကမ္မဝါစာရယ်၊
(၄) သီမာ ဆိုတဲ့ သိမ်ရယ်၊
(၅) ပရိသာ ဆိုတဲ့ ဥပဇ္ဈာယ်နဲ့ ကာရကသံဃာပရိသတ်ရယ် ပြည့်စုံရတယ်။
" ဝတ္ထု
ဆိုတဲ့ရဟန်းလောင်းကတော့ ရှိနေပြီ၊ ဥပဇ္ဈာယ်ဆရာပါဝင်တဲ့ သံဃာတွေထဲမှာ ပါရာဇိကကျပြီး သားရဟန်းပါဝင်နေလို့
သတ်မှတ်သံဃာအရည်အတွက်မပြည့်ရင် ရဟန်းခံကံမမြောက်ဘူး။ ပြီးတော့ ကမ္မဝါ ဖတ်တဲ့အခါမှာလည်း
သတ်မှတ်ထားတဲ့ နည်းစနစ်အတိုင်းဖတ်ရတယ်။ အဲဒီလို မဖတ်နိုင်ရင်လည်း ရဟန်းခံတာ ကံမမြောက်ပြန်ဘူး။
နောက် သိမ်မှာလည်း ပြဿနာရှိနိုင်တယ်။ သိမ်က သိမ်အင်္ဂါရပ်နဲ့မညီတဲ့ မသန့်ရှင်းတဲ့ သိမ်ပျက်ဖြစ်နေရင်လည်း
ကံပျက်ပြန်ရော။ ဒါတွေက ရုတ်တရက်သိရှိနိုင်တဲ့အရာတွေ မဟုတ်ဘူး။ အဲဒီိလိုသံ သယတွေ ရှိနိုင်တဲ့အတွက်
ပိုပြီးသန့်ရှင်းသွားအောင် ၊ အဓိကကတော့ ကိုယ့်စိတ်လုံခြုံမှုရအောင် သံသယကင်း သွားအောင်
သိက္ခထပ်ခြင်း ပြုကြတာပါ "
" ဒါဆို
အရှင်ဘုရား၊ ရဟန်းအသစ်သဘောမျိုး သတ်မှတ်ပြီး သိမ်ကအရင်ထွက်ခိုင်းတာပေါ့နော် "
" အဲဒီသဘောလို့ပဲ
ပြောရမှာပေါ့၊ ဒါပေမယ့် တချို့ကိုယ်တော်လေးတွေက နေချင်သလိုနေပြီး သိက္ခာ ထပ်လိုက်မှပဲ
သန့်သွားတယ်လို့ ပြောနေကြတယ် "
" အချို့ဆရာတော်ကြီးတွေကို
အကြိမ်ကြိမ်သိက္ခာထပ်တာကကော ဘုရား "
" ဒါကတော့ကွာ၊
ရဟန်းတပါးနာမည်ကြီးလာပြီဆိုရင် ရဟန်းဒကာခံချင်တဲ့သူတွေ ပေါလာတယ်လေ။ အဲဒီအတွက် သိက္ခာထပ်ပြီး
ရဟန်းဒကာ၊ ပစ္စည်းလေးပါးဒကာအဖြစ် ခံယူတာပဲ။ အမှန်ကတော့' တပည့်တော် တို့ကို ပစ္စည်းလေးပါး
ဒကာအဖြစ် မှတ်ယူတော်မူပါ။ လိုအပ်တဲ့အချိန်မှာ တောင်းယူတော်မူပါ ' လို့ လျှောက် ထားရင်လည်း
ဖြစ်တာပါပဲ။ သိက္ခာထပ်လိုက်လို့ အဲဒီရဟန်းသိက္ခာ ပိုမတက်သွားပါဘူး။ သင့်နေတဲ့အာပတ်လည်းကျေမသွားပါဘူး။
"ပြီးတော့
သိမ်ထဲက ဘယ်ရဟန်းအရင်ထွက်ထွက် အရေးမကြီးပါဘူး။ ငါအပါဝင် ရဟန်းသုံးပါး ပရိ ဝါသ်စောင့်တုန်းကဆို
နောက်ဆုံးအဗ္ဘာန်သွင်းတော့ မြို့နယ်သံဃာ့နာယက ဆရာတော်တွေ၊ ထေရ်ကြီးဝါကြီး ဆရာတော်ကြီးတွေပါတယ်ကွ။
ပရိဝါသ်ဦးဆောင်လုပ်တဲ့ ဆရာတော်က သိမ်ထဲကထွက်တဲ့အခါ ဒကာ၊ ဒကာမ တွေ ပစ္စည်းလောင်းလှူမလို့
စောင့်နေကြတော့ ဝါစဉ်ကြီးငယ်လိုက်ပဲ ထွက်စေတာပါ။ ဒီအချိန်မှာ အာပတ်ဖြူ စင်မှုကို ဦးစားပေးမယ်ဆိုရင်
ငါတို့က အဖြူစင်ဆုံး အချိန်ပေါ့ ။
" နောက်ပြီး
မင်းကို သတိပေးရအုံးမယ်။ မင်းရဟန်းဖြစ်လို့ ဒေသနာကြားတဲ့အခါ မိမိပါးစပ်က ဆိုနေတဲ့ ပါဠိကို
အဓိပ္ပါယ်သိအောင် လေ့လာထားဦး။ ဘာအဓိပ္ပါယ်မှမသိဘဲ ရွတ်နေရုံနဲ့ အာပတ်ကျေတယ်ဆိုပြီး လုပ်မ
နေနဲ့။ ဒေသနာကြားတဲ့အခါ နောင်အခါ စောင့်စည်းပါ့မယ်ဆိုတဲ့စိတ်နဲ့ ကြားရတယ်။ ဒါမှ ကျေမှာ။
" နေပါဦး
၊ မင်းက ဒီနှစ်ဘာရည်ရွယ်ချက်နဲ့ ဝတ်မှာလည်း "
" ဒီနှစ်တော့
တပည့်တော် ရဟန်းဝတ်နဲ့ တရားအားထုတ်ချင်တယ် ဘုရား "
" အေး
ကောင်းတယ်။ ရတဲ့အချိန်လေးမှာ အဲဒီလို အကျိုးရှိရှိ အသုံးချနိုင်ရမယ်။ ဒါမှ အချိန်ကုန်၊
ငွေ ကုန်တာ တန်မှာ။ မင်းကို ငါဖတ်ဖူးတဲ ဒုလ္လဦးဇင်းသုံးပါး ကဗျာ ရွတ်ပြမယ် "
" ဦးဇင်းသုံးပါး
"
(၁) ဒုလ္လဘဦးဇင်း
သိမ်ဆင်းပြီးနေ့၊
မပျော်မွေ့၍
ရက်မစေ့ခင်၊
လူထွက်ချင်ကာ
ကြင်ယာဇနီး၊
ခေါ်တွေ့ပြီးလျှင်
ဇွတ်ကြီးပြင်ဆင်ခိုင်းတော့သည်
ဦးပြင်ဆင်ပါဘုရား။
(၂) ဒုလ္လဘဦးဇင်း
သိမ်ဆင်းပြီးနေ့၊
စိတ်ငြီ်းငွေ့ဟု
ပုတီးမကိုင်၊
မထိုင်တရား
တဝါးဝါးသမ်း၊
ကြမ်းနှင့်ကျောခင်း
ပျင်းဆင်းဓုတင်ကျင့်တော့သည်
ဦးပျင်းဆင်းပါဘုရား။
(၃) ဒုလ္လဦးဇင်း
သိမ်ဆင်းပြီးနေ့၊
စိတ်ငြီးငွေ့ဟု
လူ့ဘဝတွင်၊
အမျှင်မပြတ်
တရစပ်ရှုပ်
သူ့အလုပ်များ၊
ခုမှနားဟု
အိပ်စားနှစ်လ်ီကျင့်တော့သည်
ဦးပင်စင်ပါဘုရား။
ရခဲပေစွ၊
ဒုလ္လဘဟု
ဗုဒ္ဓအမွေ၊
ခံယူပေလည်း
ဓမ္မနည်းယူ၊
ကျင့်မှုမရှိ
အသိမလိုက်၊
စရိုက်မပြင်
အရှင်သုံးပါး၊
ပဉ္စင်းများတို့
ဘုရားအမွေ၊
မရစကောင်း
ပါရမီဟောင်းလောင်းဖြစ်တော့သည်
ဦးတင်ပါသည်ဘုရား။
( ဘိုးရာဇူ
)
" ဟား
ဟား ဟား ကောင်းလိုက်တာ အရှင်ဘုရားရယ်။ တပည့်တော် မှတ်စုနဲ့ မှတ်ထားဦးမယ်"
" အေး
မှတ်လည်းမှတ်ပေါ့ကွာ၊ ကိုယ်လည်း အဲဒီအထဲမပါစေနဲ့။ သူများတွေ ဘယ်လိုနေနေ ကိုယ်မနေ နဲ့ပေါ့။
" ကဲကဲ
ဟိုမှာ ရဟန်းခံမယ့် အဖွဲ့လည်းရောက်နေပြီ။ မင်းလည်း သိသင့်တာလေးတွေ ကြိုပြီးဖတ်ထား။
ရဟန်းဘဝနဲ့နေစဉ်မှာ ရဟန်းကောင်းတစ်ပါးဖြစ်အောင် ကြိုးစားပေါ့ကွာ "
" တင်ပါ့ဘုရား၊
တပည့်တော်ကြိုးစားပါ့မယ်။ ကျေးဇူးလည်း တင်ပါတယ်။ ဦးတင်ပါတယ် ဘုရား "
" သာဓု
သာဓု သာဓု "
အရှင်ပညာသီရိ
(ရမ္မာကျွန်း)
၂၀၁၄ ခုနှစ်
- ဇန်နဝါရီလ - အတွဲ ၁၅ - အမှတ် ၁ - အပ္ပမာဒ ဓမ္မရသမဂ္ဂဇင်း
အားလုံးပဲစိတ်၏ချမ်းသာခြင်း၊ ကိုယ်၏ကျန်းမာခြင်းနှင့်ပြည့်စုံကြပါစေ။
လူမုန်း (ဓမ္မရောင်စဉ်)
